Entoni Berri është transferimi i parë zyrtar te Bajerni në periudhën e Tomas Tuhelit.
Berri mban pozitën e ndihmëstrajnerit dhe gjendej pjesë e Çelsit, megjithatë insistimi i Tuhelit bëri që Bajerni të paguante shifrën prej 1.3 milionë eurosh.
Dyshja në fjalë kanë punuar së bashku gjatë kohës kur 49-vjeçari ishte “timonieri” i “bluve” të Londrës.
“Jemi të kënaqur që nënshkruam me Berrin, duke plotësuar stafin e trajnerëve”, tha Brazo.
Bajern po mendon tashmë vetëm të mbrojë titullin kampion në Bundesliga, duke parë që është eliminuar nga dy turnetë e tjerë, Kupa e Gjermanisë dhe UEFA Champions League.
Pas përfundimit të sezonit aktual, Tuhel pritet që të bëjë një revolucion të vërtetë për sa i përket ekipit, me shumë lojtarë që pritet të bëjnë gati valixhet (mes tyre, Sadio Mane, për arsye disiplinore).
Discussion about this post