Skuadra e Bajernit të Mynihut është drejt rinovimit me portierin veteran Manuel Nojer. 35 vjeçari edhe pse nuk garanton siguri për vitet në vijim mbetet një shtyllë shumë e rëndësishme e bavarezëve teksa kampionët në fuqi të Bundesligas kërkojnë të rinovojnë me portierin e kombëtares gjermane.
Nojer prej 11 sezonesh ka vënë diktatin duke u shëndërruar në një domosdoshmëri për skuadrën më të mirë të Bundesligës. Drejtuesit e Bajern Mynih kanë marrë edhe aprovimin e trajnerit Nagelsman për të rinovuar me ikonën e kësaj skuadre.
Në deklaratat e tij, Manuel Nojer ka theksuar vazhdimisht se dëshiron të luajë sa më gjatë të jetë e mundur por nuk përjashtohet si mundësi që ai të mos e mbyllë karrierën me Bajernin por me ndonjë skuadër tjetër. Gjithsesi nëse vjen rinovimi është e sigurt që do të jetë afatshkurtër.
Discussion about this post