Skuadra e Bajernit të Mynihut ka fituar derbin ndaj Leverkusenit. Bavarezët fituan me shifrat e thella 5-1 në transfertë dhe ruajnë vendin e parë në kuotën e 19 pikëve, 1 më shumë se Dortmund dhe tre më shumë se Leverkusen. Ndeshja u vendos në pjesën e parë ku Levandovski realizoi dy gola teksa Muller dërgoi shifrat në 3-0. Në fraksionin e parë u shënuan edhe dy gola të tjerë me Gnabrin që realizoi dopietë personale në harkun kohor të 2 minutave.
Në fraksionin e dytë nuk pati histori teksa vendasit thjeshtë dhe vetëm shënuan golin e nderit me Patrik Shik në minutën e 55. Bajerni administroi avantazhin e thellë deri në fundin e takimit dhe futi në kasafortë tre pikë të arta. Sa i përket garës për golashënuesin më të mirë, dy vendet e para shkojnë për Haland dhe Levandovski të cilët kanë shënuar 9 gola këtë edicion, norvegjezi ka dhënë 3 asiste ndërsa polaku vetëm 1.
