Mesfushori Nedim Bajrami do të ketë shansin të debutojë me ekipin kombëtar të dielën ndaj Hungarisë.
Bajrami është bashkuar me Kombëtaren dhe ditën e sotme ka bërë stërvitjen e parë si futbollist i Shqipërisë. Mesfushori shqiptar ka dhënë një intervistë të shkurtër për faqen e federatës duke treguar përshtypjet e para mbi grumbullimin si dhe i kërkon tifozëve të jenë të pranishëm në stadium kundër Hungarisë.
“Përshëndetje nga unë Nedim Bajrami, jam shumë i lumtur më në fund që jam pjesë e Kombëtares Shqiptare. Shpresoj që të marrim dy rezultate pozitive dhe ju pres në stadium”, u shpreh mesfushori kuqezi.
