Futbollisti i Kombëtares, Nedim Bajrami synon që në këtë sezon të dytë me fanellën e Sassuolos, të jetë protagonist absolut. Dhe mesfushori shqiptar ka dhënë sinjalet e para që në ndeshjen e parë përgatitore që klubi I Serisë A ka luajtur sot.
Përballë ishin amatorët e Real Vicenza dhe Bajrami ka shfrytëzuar rastin për të treguar vlerat e tij në këtë duel, duke shënuar 3 herë, edhe pse në fakt nuk e nisi sfidën me rreshtimin e parë.
Trajneri Alessio Dionisi vendosi dy formacione të ndryshme në secilën pjesë loje për këtë sfidë dhe Bajrami ishte te i dyti.
Pjesa e parë u mbyll me shifrat 10-0 për Sassuolon, ndërsa në të dytën ishte menjëherë futbollisti shqiptar që gjeti rrugën e rrjetës në minutat 49′, 64′ e 78′.
Sfida u mbyll me rezultatin 22-0, aspak keq duke llogaritur që ishte ndeshja e parë për lojtarët që vinin pas periudhës së pushimeve dhe ngarkesave të mëdha fizike gjatë këtyre ditëve.
Discussion about this post