Kreu i Grupit Parlamentar të PS, Taulant Balla, ka deklaruar ditën e sotme se që nga koha kur Tom Doshi u shpall ‘non-grata’, PS nuk bashkëpunon më me të. Në këtë pikë ai tha se edhe Berisha duhet të veprojë njësoj, të jap përgjithmonë dorëheqjen nga politika.
“Unë nuk di që PS të ketë ndonjë marrëveshje bashkëpunimi me partinë e Tom Doshit. Nuk di që në Kuvend të jetë prezent Doshi, i cili ka dhënë dorëheqjen. Ta bëjë dhe Berisha atë që bëri Doshi, të marrë modelin e tij dhe të bëjë të njëjtën gjë. Bashkëpunim me Doshin? Ai nuk është as në Kuvend, as në Konferencën e Kryetarëve. Mendoj se Berisha duhet të mungojë përjetësisht në Kuvendin e Shqipërisë”, tha Balla”
Më tej, ai u pyet nga gazetarët se cili do ishte drejtimi i PS për vitin që vjen nga Basha apo nga Berisha, dhe ai u përgjigj se viti 2022 duhet ta gjejë Sali Berishën në përballje me drejtësinë dhe jashtë politikës e Kuvendit.
Discussion about this post