Kreu i grupit parlamentar në Partinë Socialiste, Taulant Balla ka komentuar zgjedhjen e Kryetarit të AMA-s. Nga foltorja e Kuvendit, numri dy i PS-së tha se zgjedhja e kryetarit të AMA-së është zhvilluar prej shumë javësh sipas procedurave të rregullta të Kuvendit.
Referuar kërkesës së Delegacionit të BE-së në Shqipëri, i cili propozoi që zgjedhja e kryetarit të AMA-s të bëhet në muajin shtator, Balla se ai ka komunikuar vazhdimin me Luigi Soreca-n për këtë gjë. Por, sot, Balla tha se nuk ka komunikuar metë. Siç duket socialisti nuk e ka idenë që ambasadori është sëmurë.
“Unë komunikoj në mënyrë të vazhdueshme me Sorecën duke qenë se jam dhe kryetar i Delegacionit shqiptar në Parlamentin Europian. Nuk kam folur me të sot. Është përgjegjësi e Kuvendit që institucionet që zgjidhen prej tij, të ushtrojnë detyrën e tyre. Kemi miratuar një rezolutë për AMA-n përpara disa ditësh. Zgjedhja e drejtuesit të këtij institucioni është zhvilluar prej shumë javësh sipas procedurave parlamentare që detyron Kuvendin që vendimin e Komisionit ta shqyrtojë sot. Nuk shoh se pse zgjedhja e kryetarit të AMA-s është më i rëndësishëm se sa votimi për zgjedhjet në Reformën në drejtësi,”- tha Balla.
Zgjedhja e Kryetarit të AMA-s është sot pjesë e rendit të ditës në Kuvend. Nga ana e Partisë Demokratike ka pasur kritika dhe denoncime në lidhje me garën e zhvilluar. Konkretisht deputetja e zgjedhur e Partisë Demokratike, Albana Vokshi ka deklaruar se fituesi është paracaktuar. Sipas PD-së, për të drejtuar AMA-n është zgjedhur Armela Krasniqi, pasi ishte zëdhënësja e kryesocialistit Edi Rama. Sipas PD-së kryeministri pretendon të kapë edhe institucionin e AMA-s.
Ambasada Britanike në Tiranë tha se po ndjek procesin për të garantuar profesionalizmin e AMA-s përmes zgjedhjes së kandidatëve të pavarur në strukturat drejtuese të institucionit. Delegacioni i OSBE në Shqipëri i ka bërë thirrje maxhorancës që të garantojë një proces gjithëpërfshirës për zgjedhjen e emërimin e kryetarit të ri të AMA-s. Ndërsa delegacioni i Bashkimit Europian në Tiranë ka kërkuar që zgjedhja e kryetarit të AMA-s, të shtyhet për në muajin shtator në legjislaturën e ardhshme.
