Kreu i Grupit Parlamentar të Partisë Socialiste Taulant Balla ka “shpërthyer” në Kuvend pas fjalimit të kryedemokratit Sali Berisha. Balla tha se duhen marrë masa që një non grata si Sali Berisha të mos përdhunojë Kuvendin teksa e akuzoi se bashke me kreun e PL-së Ilir Meta kanë firmosur pro raportit të Dick Marty-t katër ditë pasi vranë katër qytetarë në bulevard. Balla tha se sa herë Shqipëria është në gjendje të vështirë Berisha e Meta bëhen bashkë kundër saj.
Balla: Si ka mundësi që këta dy njerëz sa herë që Shqipëri ka një moment të vështirë këta të dy bëhen gjithmonë bashkë kundër Shqipërisë. Kanë votuar një rezolutë kundër shqiptarëve katër ditë pasi vranë katër njerëz në bulevard. Këta të dy nuk kanë çfarë i bëjnë më Shqipërisë.
I ka dhënë gjithçka Shqipëria. Turpi i tyre është që e dëmtojnë Shqipërinë sa herë ju jepet mundësia. Është e turpshme për Kuvendin që një non grata si Sali Berisha ta përdhunojë foltoren, ne duhet të marrim masa që Sali Berisha të mos flasë më në këtë sallë.
Discussion about this post