Balliu: Korrupsioni i Ramës dhe Xhaçkave të tij nuk njeh limite

Shefi i Organizimit në Partinë Demokratike, Klevis Balliu ka reaguar pas skandalit me vjedhjet e abuzimet në Ministrinë e Mbrojtjes.

“Vjedhjet dhe abuzimet e Ramës dhe ministreshave të tij kanë kapur dhe ushtrinë. Pronat e ushtrisë janë tjetërsuar për  interesa monetare të pushtetarëve, tendera sekret për te vjedhur në fshehtësi kanë shkërmoqur buxhetin e ushtrisë. Këto vjedhje kanë çuar në degradimin final ku ushtria mbjell drogë”, shkruan Balliu në Facebook.

Postimi:

Korrupsioni i Ramës dhe Xhaçkave të tij nuk njeh limite.

Vjedhjet dhe abuzimet e Ramës dhe ministreshave të tij kanë kapur dhe ushtrinë. Pronat e ushtrisë janë tjetërsuar për interesa monetare të pushtetarëve, tendera sekretë për te vjedhur në fshehtësi kanë shkermoqur buxhetin e ushtrisë.

Këto vjedhje kanë çuar në degradimin final ku ushtria mbjell drogë

Babëzia e kësaj qeverie nuk njeh limit,ajo vjedh në shëndetësi, ushtri, bashki, energji e infrastrukture, ajo vjedh kudo dhe këdo.

Shteti ka rënë, të bashkohemi për ta shpëtuar vendin nga këta bajlozë të korrupsionit.