Deputeti i PD Klevis Balliu në një postim në rrjetin social facebook ka sjellë në kujtesë një debat mediatik të 5 viteve më parë, ku ndër të tjera është shprehur se Shqipërisë i duhet një Amerikë e fortë me një George Soros të dobët.
Në mesazh Balliu ka rikujtuar pjesë nga diskutimi i tij ku ka deklaruar se në Shqipëri të gjith- tentakulat e Sorosit e kanë dërrmuar këtë vend.
“George Soros këtu me gjithë kabinetin sot që i ke, 90% kanë qenë tek Sorosi dhe çfarë kanë bërë në 8 vite në këtë vend: me krimin, me drogën me të gjitha ato, për të mos hapur një debat tjetër këtu, jemi shumë të qartë se Shqipërisë ky njeri nuk i duhet.
Ky njeri ka bërë një reformë në Drejtësi, e bërë nga Open Society e George Soros, e cila ka dështuar totalisht. Tani ka filluar ky proces dhe prandaj është kjo ndarje e thellë në Amerikë, e cila po përkthehet edhe në mbarë botën, midis të djathës dhe të majtës. Tani politikat e majta kanë treguar historikisht që janë për ekonominë destruktive.
Sa më i majtë një vend, aq më i varfër është ai vend. Për Shqipërinë ka interes vetëm kjo. Amerikë e fortë me një George Soros të dobët”, shkruan deputeti i PD Klevis Balliu.
Discussion about this post