Koordinator politik i PD-së për rajonin e Tiranës, Klevis Balliu, bashkë me qytetarët kanë protestuar tek SPAK kundër Erion Veliajt dhe arrestimeve të protestuesve nga ana e policisë, pas mosbindjes civile të 23 dhjetorit.
Balliu u shpreh se, të gjithë pushtetarët do të shkojnë në burg, ndërsa akuzoi SPAK se është kthyer në një institucion që pastron njollat e Erion Veliajt.
‘Me vjen keq që Policia e Shtetit ka degraduar duke mbrojtur një hajdut. Nuk lejohen qytetarët dhe shoqërinë civile të japin mesazhin e tyre, të cilët duan të përçojnë mesazhin e tyre për një hajdut që e njeh gjithë bota.
Mblidhen këtu 100 policë, që të ndalojnë qytetarët që të protestojnë.
Së dyti, kemi në këtë krah qytetarët që mbahen në qeli dhe në këtë krah kemi pushtetarët që bëjnë shou mediatik, hyjnë e dalin, pinë kafe, kur të gjithë e dinë që ai është një hajdut.
Një njeri i cili ka marrë çdo para dhe taksë të qytetarëve dhe i ka futur në xhep nëpërmjet bashkëshortes së vete. Një njeri i cili ka shkatërruar qytetin e Tiranës, e ka bërë zhul qytetin. Një njeri që ka shkatërruar përditshmërinë e Tiranës.
Ka masakruar Tiranën me ndërtime, një njeri që pastron lekët e drogës dhe Ndraghetës dhe ky njeri vazhdon të bëjë hyrje e dalje këtu për shou.
Në krahun tjetër janë qytetarët që janë në qeli, se kanë protestuar kundër këtij hajduti.
E vetmja gjë që ndjej keqardhje është se, shoh efektivë të policisë që kanë degraduar në këtë pikë, sa mbrojnë Erion Veliajn në vend që ta arrestojnë.
Ky Skapi i partisë është kthyer në një pastrim kimik për Erion Veliajn që ti heq njollat. Ka vjedhur Erion Veliaj dhe këta shkojnë i sekuestrojnë telefonin gruas. Po telefonin e Veliajt pse nuk e sekuestrojnë’, tha Klevis Ballliu
Discussion about this post