Vojo Bregu, ish-sekretari i Ministrisë së Bujqësisë dhe kandidat i LSI në Tiranë në zgjedhjet e fundit, shkruan se sasia e qumështit që vjen nga Serbia për në vendin tonë është trefishuar. Edhe pse qeveria shqiptare propagandon se nisma “Open Balkan” është në favorin total të Shqipërisë, të dhënat që vijnë nga terreni nuk janë të njëjtat.
“Open Balkan ” në bujqësi ka filluar të funksionojë shumë mirë. Është trefishuar sasia e qumështit që vjen nga Serbia drejt Shqipërisë. Gjatë mandatit të dytë, është ulur me mbi 30% numri i kafshëve të gjalla. Me këtë ritëm, gjatë mandatit të tretë, lopët, dhitë dhe delet, do jenë më pak se numri i qenve dhe maceve. Por e rëndësishme është që qumështi i freskët, për aq sa mund të jetë i tillë, do të vijë nga Serbia dhe nuk do prodhohet më në Shqipëri” – shkruan Bregu.
