Kancelari gjerman Olaf Scholz dhe homologu i tij austriak Karl Nehamer, i kanë bërë thirrje BE-së që të mos vonojë më por të hap urgjentisht negociatat për Shqipërinë. Ata shprehen se duhen hapur urgjentisht negociatat për vendet e Ballkanit Perëndimor, duke qenë se ndodhen përballë kërcënimit rus, veçanërisht që pas pushtimit të Ukrainës. Sipas mediave të huaja, dy kancelarët kanë theksuar se efektet e pushtimit të Ukrainës mund të shtrihen edhe në Ballkan. Për këtë arsye, sipas tyre është e rëndësishme gjetja e aleatëve për një politikë evropiane bashkëpunuese në mbarë botën por edhe në Evropë.
“Na kërkohet të sigurohemi që të forcojmë dhe mbështesim rajonin e Ballkanit. Kjo përfshin gjithashtu një perspektivë të qartë evropiane për vendet e Ballkanit Perëndimor,” u shpreh Scholz,
Ata kërkojnë që hapja e negociatave dhe anëtarësimi i Shqipërinë dhe Maqedonisë së Veriut duhet të fillojnë sa më shpejt të jetë e mundur. “Çdo vonesë e mëtejshme e lë Ballkanin Perëndimor të cenueshëm dhe të hapur ndaj ndikimit të palëve të treta”, tha ai.
Sipas kancelarit austriak Nehammer, një ndikim të tillë pritet ta ushtrojë Rusia dhe Kina .Prandaj sipas tij, është me “interes gjeostrategjik që të ecim shpejt dhe t’u ofrojmë njerëzve të këtyre vendeve perspektiva të frytshme”. Teksa lufta në Ukrainë vazhdon të përshkallëzohet, negociatat e anëtarësimit në BE janë vendimtare për Ukrainën, por edhe për rajonet fqinje që mund të preken nga pushtimi, shkruajnë mediat e huaja. Strategjia që Austria dhe Gjermania synojnë të ndjekin është të mobilizohen për miratim më të gjerë të anëtarësimit të vendeve në BE.
Discussion about this post