Kreu i Partisë Demokratike, Sali Berisha, foli sot në konferencën me gazetarët lidhur me aferën e tenderit për Tunelin e Llogarasë, ku është marrë e pandehur nga SPAK zv.kryeministrja Belinda Balluku.
Berisha zbuloi se çfarë i tha Balluku kryeministrit Edi Rama në mbledhjen pa mediat të Grupit Parlamentar të PS.
Balluku u ka bërë të qartë Ramës dhe të pranishmëve atje se do i marrë me vete.
“Lubia ka qenë shumë e egër në atë mbledhje. Ndaj dhe Ramës ia ka bërë të qartë, absolutisht për çdo gjë që mund të avancojë do jesh ti kurban para meje, sepse s’kam bërë gjë tjetër veç se kam zbatuar urdhrat e tu.
Ajo ka rikujtuar mos lejo të përsëritet më, sepse nuk do lejoj kurrë që të kem fatin e gjyshit tim që u ekzekutua me firmën e babait tend”, tha ndër të tjera Berisha.
Pjesë nga fjala
Dua t’ju informoj se Lubi Balluku ka nxjerrë dhëmbët e kërcënimit ndaj Edi Ramës, të parit, por edhe të tjerëve me radhë.
Burime të fshehta të Partisë Socialiste njoftojnë se në mbledhjen e zhvilluar në selinë e PS, ku Edi Rama ka sulmuar Skapin dhe ka mbrojtur Lubinë, duke deklaruar se këto janë sulme kundër tij dhe partisë së tij, se Lubia është e pafajshme, Lubia vetë ka qenë e egër dhe e pamëshirë ndaj audiencës.
Edhe në këtë mbledhje, Lubia e ka bërë të qartë se do u marr me vete, atë që i ka thënë Ramës, ajo ua ka thënë edhe në mbledhje aty ku eksponent më kryesor ishte, përveç Ogertës, edhe Pëllumbesha Spirgjoka.
Lubia ka qenë shumë e egër në atë mbledhje.
Ndaj dhe Ramës ia ka bërë të qartë që absolutisht për çdo gjë që mund të avancojë, do jesh ti kurban para meje sepse nuk kam bërë gjë tjetër vetëm kam zbatuar urdhrat e tua.
I ka rikujtuar në një moment, ndonëse miqësia e tyre ka qenë e pakufishme, është e njohur kjo, besnikëria e tyre, luajaliteti ka qenë i pakufishëm që në bashki, ndaj dhe ajo është shpërblyer me atë post që ka marrë, por përsëri ka rikujtuar: mos lejo të përsëritet më, se nuk do lejoj kurrë të kem fatin e gjyshit tim që u ekzekutua me firmën e babait tënd.
Pra ia ka vënë kufirin tek thana dhe ka dëshmuar se është e gatshme që të fshijë të gjitha miqësitë, të gjithë të shkuarën në qoftë se Edi Rarma guxon për një moment që për të shpëtuar veten, të dorëzojë Lubinë.
Discussion about this post