Zëvendëskryeministrja dhe njëherësh ministrja e Infrastrukturës dhe Energjisë, Belinda Balluku ka konfirmuar se edhe për muajin dhjetor nuk do të aplikohet fasha energjetike prej 800 kWh.
Përmes një video-mesazhi, Balluku tha se në muajin nëntor baseni i Fierzës ishte në nivelin 267 metra, ndërsa për muajin dhjetor, deri më tani është arritur 280 metra në basenin e Fierzës. Për rreth një muaj, qeveria thotë se kanë akumuluar 340 giga vat orë energji elektrike. Për muajin tetor rezerva ka qenë 448 giga vat orë, ndërsa në muajin nëntor 788 giga vat orë.
Balluku dha edhe parashikimin e motit ku tha se nga data 17 dhjetor pritet të ketë një përmirësim të motit, pasi nuk priten reshje shiu, çka do ta bëjë situatën me kritike sipas saj.
Por, pavarësisht reshjeve të shumta të shiut, të cilat kanë patur një ndikim të madh në prurjet në kaskadat e hidrocentranleve, Balluku paralajmëroi qytetarët se duhet të kursejnë, përndryshe do të aplikohet rritja e çmimit për fashën mbi 800 kWh.
Deklarata
“Pas një thirrje që kemi bërë në muajin shtator për shkak të situatës së vështirë dhe çmimeve të larta të importit, qytetarët i janë përgjigjur kësaj thirrje për të konsumuar më pak energji. Ne e kemi vlerësuar reagimin tuaj dhe pavarësisht se është vendosur një fashë nga ERE e cila mund të futej në funksion kur ne të kishim vështirësi, nuk është vendosur kurrë dhe nuk është përdorur deri më sot. Puna ka dhënë rezultat. Megjithatë duhet thënë që kursimi muajt shtator tetor ka qenë i konsiderueshëm dhe na ka dhënë një dorë për të kaluar një situatë të tillë. Dua të kërkoj edhe njëherë angazhimin tuaj, të çdo qytetari, familjari, biznesi të vogël, që të vazhdojmë të kursejmë sepse do të jetë e vetmja mënyrë për të mos aplikuar fashën 800 kWh”, tha Balluku.
Ministrja nuk u duk e kënaqur nga kursimi 2% i energjisë elektrike, por kërkoi se kursimi do duhet të jetë prioritet për çdo familjar dhe biznes në mënyrë që të kursehet 5% e energjisë elektrike në rang kombëtar.
Discussion about this post