Kreu i Partisë Demokratike, Sali Berisha, ka denoncuar një rast dhune ndaj një gruaje në ambientet e një farmacie në fshatin Strum, njësia administrative Roskovec.
Sipas denoncimit të publikuar nga Berisha, ngjarja dyshohet të ketë ndodhur pesë ditë më parë, ndërsa autori i dyshuar është Ilir Musko, farmacist dhe kandidat për deputet për Partinë Socialiste në zgjedhjet e 11 Majit.
Berisha citon një mesazh nga një qytetare, e cila shkruan se viktima është një grua nga fshati Samaticë, e cila kishte shkuar për trajtim me serum në farmacinë e Muskos. Ajo pretendon se gjatë qëndrimit në farmaci është dhunuar fizikisht nga Musko.
Sipas denoncimit, familjarët e të dhunuarës po përballen me pengesa nga Policia e Roskovecit gjatë përpjekjeve për të bërë kallëzim. Gruaja ka deklaruar se ministrja Belinda Balluku po ndërhyn për të fshehur ngjarjen dhe për të mbrojtur Muskon.
Denoncimi përmend gjithashtu përplasje fizike mes të afërmve të gruas dhe Muskos, që ka shkaktuar tensione në zonë.
Postimi i Berishës:
Kandidati i Ramaduros dhunon në farmaci të sëmurën!
Lubi Balluku mbron dhunuesin!
Narko-drejtori gangster i policisë keqtrajton familjarët dhe fsheh krimin.
Dënoj me forcën më të madhe aktin kriminal të Kandidatit gangster Muskaj dhe qendrimin e narko-drejtorit të policisë!
Lexoni denoncimin e qytetarit dixhital
Z. Berisha Pershendetje!
Jam nje grua nga Roskoveci. Dua te bej nje denoncim te rende qe ka ndodhur ne zonen tone. Kandidati i ps nga Roskoveci ne qarkun e Fierit, Ilir Musko ka dhunuar ne farmacin e tij nje grua. Kjo ngjarje ka ndodhur para 5 ditesh, por policia po fsheh ngjarjen, sepse po nderhyn Belinda Balluku. Gruaja eshte bga fshati Samatice dhe ka shkuar tek Ilir Musko per te bere nje serum tek farmacia e tij se ai eshte farmacist. Dhe aty e ka dhunuar. Edhe babai i tij Kujtim Musko kur ishte drejtor ka dhunuar nje vajze 14 vjec. Familjaret e gruas nga Samatica kane bere denoncim por policia dhe skender hitaj i ka nxjerr nga komisariati. Kete ngjarje e di e gjithe zona e Roskovecit. Ka ndodhur ne fshatin Strum se aty e ka farmacine Ilir Musko.
Njerezit e gruas nga fshati Samatice e rrahen Ilir Muskon. U be e madhe se ka nisur sherri madh. U perleshen me grushta.
Discussion about this post