Për herë të parë në Gjykatën e Posaçme kundër Korrupsionit dhe Krimit të Organizuar ka dëshmuar bashkëpunëtori i drejtësisë Artan Tafani, i cili ka pranuar të bashkëpunojë me SPAK, duke rrëfyer 17 episode kriminale të lidhura me grupin e Laert Haxhiut.
Në këtë çështje, SPAK ka marrë të pandehur tetë persona, të akuzuar për një sërë veprash penale të kryera në qytete të ndryshme të vendit.
Artan Tafani u arrestua në shtator të vitit 2023, pas një grabitjeje me armë në një pikë këmbimi valutor në zonën e Astirit, në Tiranë.
“Kam qenë emigrant në Greqi, ku jam marrë me drogë dhe pata probleme. U ktheva në Shqipëri dhe në vitin 2015 përfundova në burg për vjedhje. Kisha probleme ekonomike. Dënimin e vuajta në burgun e Rrogozhinës dhe më pas në burgun e Kosovës, në Lushnjë.”
Ai rrëfeu se ishte përdorues droge dhe se në vitin 1997 i ishte vrarë babai në fshatin Karbunarë. Pas kësaj ngjarjeje, kishte emigruar me nënën në Greqi.
Artan Tafani
“Isha i vogël kur ika. Kishim një biznes familjar me materiale ndërtimi. Në Greqi punova fillimisht në mënyrë të ndershme, me bojra dhe lyerje. Në vitin 2006 u ktheva në Lushnjë dhe punova me xhaxhain në ndërtim. E lashë drogën për një kohë, por më pas u përfshiva sërish në probleme. Në 2015 vodha një pikë ‘Western Union’-i, prej nga më dërgonin para të afërmit nga Greqia. U arrestova dhe u dënova me 6 vite burg.”
Tafani tregoi se gjatë qëndrimit në paraburgim ishte njohur me persona të përfshirë në grupe kriminale nga Lushnja. Ai përmendi takimet me Lulzim Spahiun, pas një ngjarjeje ku u plagos Xhulio Shkurti, nipi i Aldo Bares, dhe ku arma u gjet tek stani i babait të Laert Haxhiut, Qamil Haxhiu.
“Pas daljes nga burgu, u takova me Lulzimin te një karburant i Saimir Taullahut. Më çoi llaf Klajdi Taullahu se donte të më takonte Lulzimi, për të bërë ndonjë ‘punë me mall’. Më pas, u takuam te ‘Palma Nova’ me Laert Haxhiun, ishte hera e parë që e shihja. Anterio Kaloshin e njihja nga burgu në Rrogozhinë. Unë kam përdorur edhe emrin tjetër: Marius,” tha ai.
Në paraburgim jam njohur me shumë çuna nga Lushnja. Lulzim Arapi mes tyre, kishte bërë një plagosje me Laert Haxhiun. Nipin e Aldo Bares, Xhulio Shkurtin. Lulzimi ka qenë i pranishëm me Laertin kur ka ndodhur plagosja. Pas Lulzimit ka ardhur edhe i ati i Laertit aty, Qamil Haxhiu, pasi te stani i tij u gjet arma e përdorur.
Pasi kam dal me leje, jam takuar rastësishz një herë me Lart Haxhiun. E takova pasi u lirova. Luli i ka çu fjalë, këtu nis njohja me Lart Haxhiun. Lulzimi më çon fjalë të takohem, arsyeja për të punuar me mall. Kisha probleme ekonomike, kisha 3 fëmijë. Pranova, u takova, e dija se do takoja Lulzimin, me Laert Haxhiun, Lulzim Arapin Ligor Amaçko.
Kam pasur në paraburgim Dorian Shurdhin, Anterio Kaloshin. Këta çunat i kishin folur për mua. Se dija fare me kë do takohesha, e dija për ndonjë mall. Kështu nisi. Marjus ma kanë vënë emrin prindërit, Artan e vura emrin pas 2006. Më duhej kur shkova në Greqi pasi u riktheva, se më kishin bërë apelias. Lulzim Arapin e njohim ndryshe me emrin Lulzim Spahija.
Discussion about this post