Në Greqi, grabitësit kanë hedhur në erë një bankomat në zonën e Pireas në Athinë por ajo që ndodhi më pas i gjeti të papërgatitur. I gjithë organizimi dhe puna që bënë për të grabitur kartëmonedhat eurot ka dështuar falë mekanizmit anti-vjedhje të bankomatit inteligjent.
Paratë që ata morën janë të padobishme, nuk mund të përdoren askund në tregun e shit-blerjeve, pasi menjëherë pas goditjes, bankomati aktivizoi sistemin që i ngjyros paratë me bojë të gjelbër, lejla dhe të kuqe.
Ky emërtohet sistemi inteligjent i asgjësimit të kartëmonedhave dhe nëse këto para hidhen në treg, është e dukshme që janë të grabitura.
Në këtë mënyrë tentativat e grabitësve janë të predispozuara të dështojnë, pasi shkelja në çdo mënyrë e një bankomati, aktivizon mekanizmin që lyen kartëmonedhat, ato bëhen të padobishme dhe nuk përdoren askund.
Discussion about this post