Banorët e 3 zonave që preken nga projekti i rrugës kanë nisur ditën e sotme protestën para Kuvendit të Shqipërisë. Ata kanë nisur thirrjet kundrejt politikanëve shqiptarë që sipas tyre nuk i dëgjojnë. Mes tyre ka fëmijë, të rritur dhe të moshuar. Banorët iu bëjnë thirrje deputetëve që të kthejnë mendje nga ata, sepse po mbetën në mes të katër rrugëve. Një prej banoreve tha se nuk mund të lejojnë që të prishen shtëpitë e tyre që oligarkët të ndërtojnë pallate për të mbushur xhepat e tyre.
Protestat e banorëve kanë nisur prej disa muajsh, por më 19 janar të këtij viti, Inspektorati Kombëtar i Mbrojtjes së Territorit ndërmori aksionin për prishjen e banesave në zonën e 5 majit në Tiranë duke i hapur rrugën procesit të rindërtimit. Shembja e banesave u shoqërua me kundërshtinë e banorëve, të cilët u përplasën me efektivët e Policisë. Ndërsa në total, në këtë zonë pritet që të preken 430 në total nga projekti i rindërtimit. Ndërsa banorët pretendojnë se në të këtë zonë do të ndërtohen edhe kulla dhjetra-katëshe me njësi biznesi dhe qendra tregtare.
Discussion about this post