Banorët e 5 Majit, Laprakës, Paskuqanit, Kodrës së Priftit, po protestojnë para Kryeministrisë. Ata kërkojnë të drejtat për pronat e tyre që preken nga projektet e Rindërtimit dhe Unazës së Madhe. Një banor i Kodrës së Priftit, përsëriti akuzat se projekti i Unazës së Madhe është devijuar, për qëllime biznesi, me një fushë që pritet të kthehen në një shesh ndërtimi.
“Përfaqësoj zonën e Kodrës së Priftit, deri te shtëpia e ish-presidentit që duket se ka vepruar në heshtje. Në pjesën tonë segmenti është i devijuar, nuk zbatohet projekti i Adil Çarçanit, ne duam të na japin një shpjegim, nuk vjen askush të na japë një shpjegim. Nëse projekti shkon aty ku ka qenë, kostoja për shtetin është shumë herë më e ulët, edhe taksat e shqiptarëve nuk shpenzohen në këtë mënyrë.
Bëhet fjalë për një shesh, që dikujt i është premtuar, nëse thonë që ky shtet nuk është i zënë, atëherë ne jemi të gatshëm që të lirojmë këto shtëpi. Te ne do të bëhet ndërtimi me urë, që edhe pse nuk i prek gjurma e unazës, do të shohim vetëm një mur përpara. Nuk ka tokë të zënë te Kodra e Priftit, ne e kemi blerë”, u shpreh qytetari.
ata thanë se do e vetmja kërkesë që i bëjnë qeverisë është të trajtohen në mënyrë dinjitoze, dhe shtëpitë të mos prishen pa një vendim, apo marrëveshje paraprake.
Discussion about this post