Banorët e”5 Majit” dhe zonave të tjera që preken nga projekti i “Unazës” kanë sërish në protestë ditën e sotme para Kuvendit të Shqipërisë. Çdo të enjte ata mblidhen para Parlamentit për të protestuar kundër prishjes së banesave, ndërsa shpesh herë iu bëjnë thirrje deputetëve të kthejnë sytë nga ata, pasi për këtë arsye i kanë votuar.
Madje në herën e shkuar ata tentuan të futen ën Kuvend dhe u përplasën me gardën dhe si çdo ditë nuk morën asnjë përgjigje dhe asnjë reagim nga qeveria, apo nga deputetët që futën në Kuvend sikur jashtë nuk po ndodh asgjë.
Sot ata paralajmërojnë se do të vendosin me vetëgjyqësi, duke thënë se po i detyrojnë të bëhen kriminelë, pasi duhet të mbrojnë shtëpitë me çdo kusht. Gjithashtu kërkojnë lirmin e perosnave të arrestuar pak ditë më parë, pasi kërkuan të mbrojnë pronën e tyre.
Banorët kërkojnë një marrëveshje konkrete nga Bashkia Tiranë, për të ditur se kur do të futen në hyrjet e reja dhe sa do të jetë sipërfaqe që do të përfitojnë. Ndërsa shumë prej tyre nuk pranojnë as bonusin e qirasë, duke thënë se ai është shumë i ulët dhe shtëpitë e tyre nuk duhet të shemben pasi nuk janë të prekura nga tërmeti.
Para disa javësh ata patën një takim me Kryeministrin e Shqipërisë, Edi Rama, por nuk morën asnjë përgjigje. Ndërsa me 22 u shemben banesa të tjera, ku pati përplasje të forta mes policisë dhe banorëve.
Discussion about this post