Për disa muaj me radhe banorët e 5 Majit, Laprakës dhe Paskuqanit vazhdojnë të dalin çdo ditë më protestë kundër shembjes së shtëpive të tyre në mënyrë që t’i hapet rrugë projektit të Unazës së Madhe. Kërkesa e përsëritur e banorëve është që qeveria, apo bashkia t’u ofrojë një kontratë të rregullt, ku të kenë një banesë të siguruar në rast se shtëpitë aktuale shemben. Një prej tyre tha se Erion Veliaj nuk ka pyetur asnjë person tjetër përgjegjës, por ka vendosur vetë dhe tani fshihet.
“Kemi kontaktuar dy herë me kryetarin e bashkisë së Kamzës dhe ai ka thënë se askush nuk e ka pyetur për këtë projekt. Ky është gjenocid që po e bëjnë 10 veta, na prishin shtëpitë dhe na detyrojnë të largohemi nga Shqipëria. U bëj thirrje shqiptarëve të bëhen bashkë e të ngrihen në këmbë sepse me 10 oligarkë nuk bën para Shqipëria”, tha ai.
Ndër të tjera, ata u ankuan duke thënë se e gjithë vëmendja ishte përqendruar tek Ukraina dhe tek fëmijët ukrainas duke lënë mënjanë fëmijët shqiptarë.
Discussion about this post