Zjarri që gjendej në mëngjes në kreshtën e malit të Gjerë dhe që mbërriti nga bashkia e Finiqit, i favorizuar nga era, rrezikoi edhe fshatin Sofratikë në Dropull.
Deri tani është ndërhyrë nga ajri pasi zona e zjarrit ishte e paarritshme për efektivët.
Zjarri gjendet rreth 300 m larg fshatit Sofratikë qendra e Dropullit të Poshtëm.
Banorët janë shprehur për mediat se nëse nuk do të ndërhynte helikopteri, situata do të ishte tepër serioze.
“Tani u fik, por po shikojmë mos ka mbetur ende zjarr. Nuk do ia dilnim dot pa helikopterin”.
“Situata është e vështirë, mos të kishte ardhur helikopteri, u dogjëm. Zjarri erdhi direkt nga era, u frikësuam. Do e kishim të pamundur pa helikopterin”-shprehen banorët.
Discussion about this post