Pesë grevistët e fshatit Lumas janë në ditën e dytë të protestës së tyre dhe dy prej tyre kanë shfaqur probleme të ndryshme shëndetësore.
Grevistët janë ngujuar që prej ditës së djeshme në një godinë përballë zyrave të ish-komunës Lumas.
Dy prej banorëve kanë probleme me hipertensionin dhe ilaçet që pinë duhet të konsumohen pas buke.
Pas vizitës së mjekëve rezulto se këto qytetarë për shkak të kushteve shëndetësore duhet që të dalin nga greva e urisë.
Ndërsa nga ana tjetër një nga banorët thekson se e ka të vështirë dhe se nuk do të tërhiqet në asnjë moment.
“Gjendja ime shëndetësore është e dobët. Pas vizitës së bërë nga mjekët, më thanë se unë nuk duhet të jem këtu pasi kam probleme të rënda. Unë u thash se do të rri këtu deri në vdekje dhe nuk tërhiqem. Unë i lutem kryeministrit që ta marrë njëherë mundimin dhe jo vetëm ai por kushdo që ka mend në kokë do na japë të drejtë. Ai vetë nuk do të vijë po të dërgojë një përfaqësues. Kam dhe diçka për Ardi Veliun që po drejton operacionin e policisë në Lumas, ku të gjithë po na marrin në tel se çfarë kemi bërë dhe ne kemi thënë se na kanë blindura. I bëjmë thirrje Ramës pasi ai është i pari i të gjithëve të verifikojnë gjendjen dhe të na thotë nëse nuk kemi të drejtë që të ikim ku të duam”, ka thënë një ndër banorët.
