Për të katërtën ditë radhazi banorët e Laprakës dalin në protestë, për të kundërshtuar punimet për ndërtimin e Unazës së Madhe.
Janë më dhjetëra qytetarë janë grumbulluar në rrugën “Josfi Pashko” pranë shinave të trenit në Tiranë. Të revoltuar dhe me thirrje të forta ndaj qeverisë, ata kanë bllokuar rrugën kryesore, ku kanë vendosur kazanë plehrash, duke mos lejuar edhe qarkullimin e automjeteve.
Banorët protestojnë pasi janë kundër shembjes së banesave, që i hap rrugën vazhdimin e punimeve për Unazën. Në këtë zonë janë rreth 700 banesa në këtë zonë janë projektuar të shemben në funksion të rrugës.
Banorët pretendojnë se ky projekt favorizon njerëz të pushtetshëm pranë qeverisë dhe njëkohësisht banesat që duhet të shemben janë përzgjedhur.
Shpronësimi i banesave nuk është bërë ende dhe ata kanë kërkuar vlerësim më çmimin e tregut, ndërkohë që ata thonë se protestat e tyre do të përshkallëzohen nëse nuk gjendet zgjidhje.
E.H/ gijotina.com/
