Situata në Rinas mes banorëve është tensionuar pasi po përplasen me policinë. Sakaq, ata i kërkojnë kryeplakut që të largohet pasi nuk i besojnë fjalës së tij që do të arrihet një marrëveshje me ARRSH. Sipas atyre, kryeplaku doli dhe foli nga presioni që i bëhet nga lart, por ata vetë nuk do të binden nga presione të tilla. Ata theksojnë se do vazhdojnë të bëjnë rezistencë. “Jeni të detyruar që të bëni 22 kilometra për 1 kilometër, nuk kemi parë asnjë lloj njoftimi, qoftë edhe një letër që ta kishin vendosur aty, as minimalen nuk kanë bërë, kjo është mënyra e vetme që mund të bëjmë rezistencë. Të na arsyetojnë, të na bindin se pse kjo rrugë nuk na hapet. As këtë nuk e bëjnë ata”, tha një banor.
Ndërkohë një tjetër protestues tha se, lënia e rrugës me vetëm një kalim i vështirëson atyre marrjen e shërbimeve të rëndësishme si shkolla, markete dhe ambulanca. “Janë gati 1 mijë banorë që preken nga devijimi i kësaj rruge, është i gjithë fshati i Rinasit, kemi shkollën, kemi ambulancën, një veprim që duhet të bëjmë, më shkon 40 mijë kilometra në ditë vetëm me pi kafen ku e pi çdo ditë, është keqmenaxhim. Ata do të qetësohen, dhe do mendohen më mirë, Qafa Kasharit do të mbledhë gjithë Shqipërinë në një rrugë, që edhe aty është vetëm me një kalim”, tha një tjetër protestues.
Discussion about this post