Kanë nisur përgatitjet për 14 maj. Banorët e lagjes ‘numër 14’ në Yzberisht, pranë Bulevardit ‘Migjeni’ do duhet të votojnë në 22 kontenierë, të cilat janë vendosur në dispozicion të qytetarëve.
Në çdo kontenier janë të afishuara edhe listat me emrat e votuesve. Të shumtë janë ata qytetarë që ende nuk e kanë gjetur emrin e tyre të afishuar.
Qytetarët thonë se asnjë nuk ka ardhur që t’i orientojë apo t’ju tregojë se ku e kanë të vendosur emrin dhe ato të tjerë që e kanë gjetur thonë se emri i tyre është i ndarë nga të tjerë familjarë të tyre.
Kjo është hera e dytë që qytetarët e Yzberishtit, ju thuhet të votojnë në konteiner. Brenda konteinerve të vendosura karriget dhe tavolinat ku do të qëndrojnë komisionerët dhe vëzhguesit e zgjedhjeve./Shqiptarja/
Discussion about this post