Pak ditë pas katastrofës në ndeshjen e parë ndaj Linfieldit, në Conference League, Vllaznia e Shkodrës zbriti sot në fushë për të luajtur një miqësore ndërkombëtare, pikërisht me klubin historik malazez, Buduçnosti i Podgoricës.
Ky derbi ballkanik, u mbyll me shifrat 1-1, me kuqeblutë që nuk duken ende në formë për të shpresuar për ndonjë rezultat pozitiv ndaj britanikëve të Linfield.
Të dy golat u shënuan në pjesën e parë, teksa rrugën e rrjetës për shkodranët e gjeti i riu Delaj. Trajneri Memelli hodhi në fushë në këtë takim miqësor, lojtarët që nuk morën minuta në ndeshjen e parë në Irlandën e Veriut, si dhe disa futbollistë të rinj që janë në provë.
Discussion about this post