Barça i vendos City-t afat deri në këtë muaj për Sterling

Pas dëmtimeve të Ousmane Dembele dhe Ansu Fati si dhe atakut në zemër të Sergio Aguero, Barcelona është në kërkim të përforcimit të sulmit të saj.

Xavi Hernandez e pëlqen shumë lojtarin e Manchester City-t, Raheem Sterling, i cili që nga kalimi i Jack Grealish te ‘Citizenët’ dhe konkurrencën e Phil Foden dhe Riyad Mahrez, ka luftuar për të gjetur një vend në njëmbëdhjetë e Pep Guardiolës.

Duke parë këtë situatë trajnerit të Barçës do i pëlqente që ta huazonte 26-vjeçarin me detyrim për ta blerë.

Presidenti i Barcelonës, Joan Laporta, i ka vendosur edhe një afat kohor lojtarit dhe klubit anglez që të përgjigjen në lidhje me këtë propozim.

Joan Laporta nuk duhet të presë përgjithmonë një përgjigje nga Manchester City. Sipas informacioneve të ‘Mirror’, Barça dëshiron një përgjigje nga ‘Citizenët’ deri në fund të javës së parë të dhjetorit.  

Drejtuesit katalanas kanë caktuar këtë datë në mënyrë që të mund të kthehen në pista të tjera sulmuese nëse Manchester City refuzon të bëjë biznes me Barcelonën për Raheem Sterling./K.T/Gijotina.com