Duke nisur nga ky sezon, Barcelona do të luajë ndeshjet e saj në shtëpi në stadiumin olimpik “Park Motjuic”, me “Camp Nou”-n që i është nënshtruar një rinovimi të plotë.
Dhe klubi katalanas ka ftuar tifozët e vet që të përdorin mjetet e transportit publik për të shkuar në stadium dhe jo makinat e tyre personale.
Nën sloganin “lëvizshmëria e së ardhmes, ne tashmë e kemi këtu”, Barcelona, me bashkëpunimin e Këshillit Bashkiak të Barcelonës, ka nisur një fushatë për të promovuar përdorimin të transportit publik për të shkuar në stadiumin “Olimpic Lluís Companys”, ku skuadra e parë e futbollit do të luajë sezonin e ardhshëm.
Fushata paraqet mundësi të ndryshme për të arritur në perimetrin e malit “Montjuic”, ku ndodhet stadiumi me të njëjtin emër dhe për shmangien e bllokimit të automjeteve.
Discussion about this post