Është një dimër vërtet i nxehtë për futbollin europian, në prag të vendimit të Gjykatës së Drejtësisë së BE-së, e cila do të duhet të vendosë për monopolin e UEFA-s dhe mundësinë e lindjes së Superligës. Një sërë skandalesh po përshkojnë Kontinentin e Vjetër, nga Juventusi te Manchester City, deri te ‘Calciopoli spanjoll’ që sheh si protagoniste Barcelonën dhe që tani, falë publikimit të një faksi nga El Mundo dhe zbulimeve të shtypit spanjoll, është pasuruar me detaje të reja.
José Maria Enriquez Negreira, në atë kohë nënkryetar i panelit të arbitrazhit të La Ligës, i ka dërguar mesazh presidentit të atëhershëm të Barçës, Josep Maria Bartomeu, duke e kërcënuar atë se do i publikonte të gjitha parregullsitë e kryera nga klubi nëse ndërpritej pagesa e “konsulencave”.
Jo vetëm kaq, sipas asaj që raporton El Pais, shuma e konsulencës së paguar nga Barcelona për kompaninë e Negreira ka kapur totalin e 6,659,488 eurove nga viti 2001 deri në 2018-ën, nën presidencën e Gaspart, Laporta, Rosell dhe Bartomeu.
Por për çfarë konsulence flet Negreira? Një hetim pas një kontrolli tatimor të kompanisë Dasnil 95 SL zbuloi se për tre vjet, mes viteve 2016 dhe 2018, klubi katalanas i ka paguar pothuajse 1.4 milionë euro një kompanie private që kishte lidhje me José María Enríquez Negreira, i cili në atë kohë ishte zv. kryetar i komitetit teknik të arbitrave.
Lajmi u konfirmua nga personi i interesuar, i cili megjithatë theskoi për Cadena Ser se nuk ka pasur asnjëherë “trajtim të favorshëm” për klubin Blaugrana dhe se këto pagesa (për të cilat ai nuk ka dhënë fatura) kanë qenë për shkak të punës këshillimore, por skandali mediatik shpërtheu në mënyrë të pashmangshme dhe tani është pasuruar me detaje të tjera.
Përsëri sipas asaj që raporton El Pais, në fakt, Negreira i ka shpjeguar me detaje Agjencisë Spanjolle të të Ardhurave se “konsulenca e tij teknike” ishte “verbale” dhe shërbeu për të “siguruar që të mos merrej asnjë vendim kundër Barcelonës gjatë ndeshjeve”.
Barcelona mbrohet (“Klubi do të marrë masa ligjore kundër kujtdo që prish imazhin e klubit me insinuata të mundshme kundër reputacionit të subjektit që mund të rrjedhin nga ky informacion”) dhe presidenti i La Ligës, Javier Tebas, siguron se ” Në nivel sportiv nuk mund të ketë sanksione disiplinore sepse kanë kaluar 5 vjet dhe gjithçka ka kaluar në parashkrim”, por dëmi është bërë tashmë, duke njollosur imazhin e futbollit spanjoll. Tashmë retë e zeza mbi klubin dhe presidentët e tij po mblidhen dhe numri një i futbollit spanjoll kujtoi: “Pyetja ndryshon te krimineli, Le të shohim se si do të përfundojë ky hetim. Nëse nuk ka kallëzim penal kundër klubit, atëherë këto fakte do të hidhen poshtë.”
Discussion about this post