Tifozët në San Mamés, një nga stadiumet më të mëdhenj të Spanjës, bënë atë që kishin thënë se do bënin. Para ndeshjes, tribunat u transformuan në “një ferr bardhekuq” për takimin kundër Barcelonës. Përveç atmosferës së zhurmshme, tifozët gjithashtu donin të linin gjurmë në një ndeshje në të cilën Athletic u përpoq t’i jepte fund një ecurie të dhimbshme pa fitore: vetëm një pikë nga nëntë të mundshme në ligë gjatë javëve të fundit.
Grupet e tifozëve të Athletic përmbushën premtimin e tyre për të hedhur në fushë kartëmonedha të falsifikuara me simbolin e FC Barcelona, simbolin e dollarit dhe fjalën “mafia”. E gjithë kjo është pjesë e një nisme për të protestuar ndaj ‘rastit Negreira’, komploti i dyshuar korrupsioni i zbuluar disa javë më parë. Përmes rrjeteve të tyre sociale, kolektivi promovoi gjestin që pati një ndikim të madh brenda stadiumit.
“Kundër futbollit modern!”, shkruan ata në thirrjen e tyre për armë. Për të inkurajuar më shumë njerëz që t’i bashkohen nismës së tyre, ata shpërndanë “paratë” në rrugët përreth San Mamés në prag të sfidës. Gjatë ndeshjes, thirrja “As Barça, as (Real) Madrid, Athletic!” dëgjohej vazhdimisht.
Presidenti i klubit Uriarte tha gjithashtu fjalën e tij: “Pozicioni ynë u bë i qartë kur ne iu bashkuam deklaratës së La Liga-s për këtë çështje. Ne duam që kjo të hetohet tërësisht dhe nëse vërtetohen faktet, ne jemi të vendosur të çojmë zërin kundër këtij lloj akti. Ne do të vazhdojmë ta ndjekim rastin me shumë vëmendje”.
Ndeshja ishte e tensionuar. Në këtë takim, edhe VAR u bë, siç është bërë shumë e zakonshme, protagonisti kryesor. Pas golit të Raphinhas, në fund të pjesës së parë, Barça filloi të vuante në pjesën e dytë. Dhe kur goli i Iñaki Williams në sekondat e fundit u anulua për një prekje të dyshimtë me dorë nga Iker Muniain, tifozët rifilluan hedhjen e parave false dhe, sipas raportimeve në terren, pati aktivitet sizmik nga euforia e tepërt në tribunat.
AS
Discussion about this post