Klubi i Barcelonës do të jetë shumë i impenjuar në merkaton e verës.
Pavarësisht se klubi po vazhdon të përballet me probleme financiare, shumë lëvizje pritet të ketë pas përfundimit të sezonit.
Objektivi kryesor, është të nënshkruajë me Lionel Messin, i cili do të jetë futbollist i lirë pasi i skadon kontrata me francezët e Paris Saint-Germainin,
Afrimi në skuadër i kampionit të botës, ka të ngjarë të ketë pasoja për lojtarët e tjerë të klubit.
Sipas mediave në verilindje të Spanjës, ka shumë mundësi që braziliani Raphinha të jetë një nga lojtarët që klubi do të përpiqet ta shesë në verë.
Kohëve të fundit është raportuar shumë për të ardhmen e brazilianit, për të cilin ende nuk ka asgjë konkrete. Rikthimi i Messit ka gjasa që ta bëjë Raphinhan një tepricë, në varësi të mënyrës se si do të rreshtohet skuadra e Xavit.
Ousmane Dembele është opsioni i preferuar i Xavit në të djathtë, por mund të ndodhë që Xavi ose të përdor Messin në atë anë, ose ta shtyjë Barcelonën në një formacion tjetër. Nëse ai e bën këtë, mund të mos ketë hapësirë për një lojtar tjetër të krahut të djathtë, në të cilin luan Rapahinha.
Për ish-futbollistin e Leeds Unitedit besohet se interesim kanë shfaqur Chelsea dhe Newcastle United. Ndryshe, 26-vjeçari me Barcelonën ka kontratë të vlefshme deri në verën e vitit 2027.
Discussion about this post