Klubi i Barcelonës nuk dorëzohet nga tentacioni Sofyan Amrabat. Katalanasit tentuan firmën me mesfushorin nga Maroku në merkaton e janarit, por Fiorentina bllokoi largimin e tij.
Drejtuesit “Blaugrana”, po presin fundin e sezonit për të nisur një tjetër ofensivë për 26-vjeçarin, një ndër më të dalluarit në Botërorin e vitit 2022.
Amrabat është i lidhur me Fiorentinën deri në vitin 2024. Nëse nuk ndodh rinovimi, klubi nga Firence do të detyrohet ta shesë në verë për të mos e humbur me parametra zero.
Xavi e ka shprehur publikisht vlerësimin dhe konsideratën që ka për “luftëtarin” maroken. Trajneri i Barcelonës po pret me padurim arritjen e akordit mes dy klubeve.
Discussion about this post