Manchester City ka padyshim një nga organikat më të kompletuara dhe më të forta Europë dhe në botë teksa trajneri Pep Guardiola ka luksin të ulë në stol emra prestigjiozë. në mesin e tyre gjendet edhe një fitues i FIFA World Cup si Julian Alvarez.
Kjo situatë te “The Citizens” duket se po e mërzit argjentinasin që pretendon më shumë besim nga trajneri Guardiola ndërsa sipas “TycSports”, në këtë situatë po mendon të përfitojë Barcelona.
Katalanasit janë të interesuar për shërbimet Alvarez, por vetëm me anë të formulës së huazimit. Në fakt, nuk është hera e parë që “Blaugranat” interesohen për Alvarez pasi edhe në kohën kur sulmuesi aktivizohej në radhët e Boca Juniors, Barça kërkoi informacion për argjentinasin.
Megjithatë, tashmë mund të jetë momenti i duhur për palët që të bashkohen teksa Barcelona nga ana tjetër është në kërkim të një zëvendësuesi për Robert Lewandowskin duke parë moshën e polakut.
Discussion about this post