Ka përfunduar procesi i numërimit të votave në Bashkinë e Shkodrës ku fitues ka dalë kandidati i ‘Shtëpisë së Lirisë’ Bardh Spahia. Ndërkohë që në vend të dytë për numër votash ka dalë kandidatja e PS-së Majlinda Angoni ndërsa në vend të tretë kandidati i PD, Xhemal Bushati. Bardh Spahia pasi u shpall fitues në Bashkinë e Shkodrës. Në një prononcim për mediat, Spahia falënderoi stafin elektoral dhe të gjithë votuesit dhe se do të jetë e hapur për të gjithë demokratet e vërtetë.
“Dua të falënderoj nga zemra stafin e shtabit tonë elektoral, por edhe këtë rini të jashtëzakonshme, që i dhanë frymë tjetër kësaj gare elektorale. Me falënderimin e përzemërt ndaj qytetarëve të bashkisë tonë, ju garantoj se nga nesër do të jem kryebashkiaku i Shkodrës. Një thirrje kam edhe për ata që nuk më votuan, për ata demokratë që për pak humbën rrugët, dera do të jetë e hapur për të gjithë demokratet e vërtetë. E para do të komunikoj siç duhet me qytetarët e mia dhe do ti japim zgjidhje të gjithë problematikave. Sot jemi për të vlerësuar forcën e ndryshimit. Sot vumë në piedestal forcën e votës së lirë. Shkodra sot është fituese” – tha Bardhi.
Discussion about this post