Bardhi apel pensionistëve: Ndëshkoni me votë njeriun që ju mashtron dhe vjedh çdo ditë, Edi Ramën

Teksa zgjedhjet e 11 Majit afrojnë, “lufta” elektorale intensifikohet akoma edhe më shumë.

Demokrati Gazment Bardhi i bën thirrje qytetarëve, në veçanti pensionistëve që në këto zgjedhje të mos votojnë për PS-në, rrjedhimisht për Edi Ramën.

Përmes një video të publikuar në Facebook, Bardhi e cilëson Ramën “mashtrues në fushatë”.

Krahas shkrimit Bardhi ka publikuar një video përmes të cilës thotë se qeveria aktuale nuk i realizon dot premtimet për rritje të pensioneve.

“Ka një fjalë të urtë që thotë se ‘kur një klloun shkon në pallat, ai nuk bëhet mbret, por pallati bëhet cirk‘. Asgjë më shumë sesa kjo nuk i shkon Edi Ramës. 6 muaj më parë, kur ne u angazhuam për rritjen e pensioneve mbi 200 euro, na tha se po falimentonim shtetin. Tani, ka shkuar tek premtimi ynë, por që ai s’e realizon dot.

Sepse nuk do!

Sepse nuk di!

Sepse vjedh!

Ndiqeni me zë dhe me figurë kryeministrin që mashtron dhe ndëshkojeni me votë”, shkruan Bardhi.