Sekretari i Përgjithshëm i PD-së, Gazment Bardhi, ka deklaruar ditën e sotme se e vetmja mënyrë për të shkarkuar Lulzim Bashën është propozimi nga shumica e anëtarëve të Këshillit Kombëtar, pas propozimit të të cilit hidhet në shqyrtim në Kryesi. Sipas tij, kjo është procedura statutore që parashikohet në statutin e PD-së.
Bardhi tha se, në Kuvendin e 18 dhjetorit, nuk do të ketë përjashtime, duke shtuar se ish-Kryeministri Sali Berisha është shkarkuar në datë 9 shtator, kur kryetari vendosi të mbrojë interesin e demokratëve para interesit të Berishës.
“Në atë moment Berisha u shkarkua pasi kërkoi të përdorte PD-në si mburojë të tij. Ka procedure statutore si kërkohet shkarkimi i kryetarit të Partisë. Duhet mbledhje paraprake të Këshillit Kombëtar, një mocion të shumicës. As është kërkuar mbledhja e Këshillit Kombëtar dhe as ka pasur debat për këtë çështje, prandaj nuk mund të ketë kurrë vendimmarrje të tillë. Aq më tepër që zoti Basha është konfirmuar me vota. Nëse shumica e anëtarëve të Këshillit Kombetar firmos një mocion të tillë, atëherë kalohet për shqyrtim” – tha Bardhi.
Discussion about this post