Sekretari i Përgjithshëm i Partisë Demokratike, Gazment Bardhi ka pohuar se nuk janë plotësuar firmat për Kuvendin Kombëtar. Sipas tij shifrat nuk janë të vërteta. E ka cilësuar një tallje me demokratët të gjithë këtë periudhë dy mujore takimesh nga ana e ish-kryeministrit Sali Berisha.
Ndër të tjera Bardhi tha se sekretariati i PD-së është gati për marrjen e fletëve dhe më pas të bëjë verifikimet. Më pas ata do të japin përgjigjen e nevojshme për të gjithë këtë.
Demokrati është shprehur se për një periudhë të shkurtër 2-3 ditore do të konfirmojë firmat e marra. Ndër të tjera ka shprehur gatishmërinë për kontrollimin e tyre, duke i kërkuar atyre të dërgojnë fletët.
Discussion about this post