Ish-ministri kroat u arrestua këtë të mërkurë sëbashku me tre persona të tjerë, pasi dyshohen se mashtruan në lidhje me ndarjen e fondeve nga Bashkimi Europian.
Këto veprime i referohen katër personave të dyshuar për kryerjen e veprave penale në Ministrinë e Zhvillimit Rajonal dhe Fondeve të BE-së dhe në Agjencinë Qendrore për Financimin dhe Kontraktimin e Programeve dhe Projekteve të BE-së (CFCA), lidhur me procedurat e prokurimit publik të sistemit të informacionit.
Prokuroria Publike Evropiane, pas ekzaminimit të të dyshuarve, do të marrë vendimin për veprime të mëtejshëme Deri atëherë nuk do të publikohen detaje shtesë, raportojnë autoritetet.
Ministria e Brendshme ka bërë të ditur gjithçka dhe ka konfirmuar arrestimet.Policët e Zyrës Kombëtare të Policisë për Luftën e Korrupsionit dhe Krimit të Organizuar, në koordinim me Prokurorinë Publike Evropiane në Republikën e Kroacisë, po përfundojnë hetimin penal me dyshimin për kryerjen e krimeve në fushën e krimit ekonomik.
Agjencia shtetërore e lajmeve tha se arrestimet ishin të lidhura me një projekt të zhvillimit të softuerit me vlerë rreth 2.3 milionë dollarë që ministria në vitin 2018 ia ndau një kompanie lokale.
Mediat lokale thanë se të arrestuarit përfshinin Gabrijela Zalac, e cila drejtoi ministrinë e zhvillimit rajonal nga viti 2016 deri në mesin e 2019, dhe Tomislav Petric, kreu aktual i Agjencisë Qendrore të Financave dhe Kontraktimit.
Zalac është anëtar i partisë konservatore në pushtet HDZ dhe shërbeu në ish-qeverinë e kryeministrit Andrej Plenkoviç nga viti 2016 deri në mesin e vitit 2019, përpara se të shkarkohej në një riorganizim të madh të kabinetit.
I pyetur për të komentuar arrestimin e saj, kryeministri tha se ishte i befasuar, por theksoi se organet e pavarura drejtësisë po “bënin punën e tyre”.
Discussion about this post