Kreu i Grupit Parlamentar të PD-së, Gazment Bardhi ka shkëmbyer thumbime dhe debate me kryetaren e Kuvendit Elisa Spiropali ku në qendër ka qenë edhe zëvendëskryeministrja Belinda Balluku.
Ndërsa Bardhi deklaronte se Balluku dhe kryebashkiaku i Erion Veliaj “janë gati të paguajnë vrasës me pagesë për të vrarë njëri-tjetrin”, ka ndërhyrë Spiropali duke i thënë se akuzat që po bën janë të rënda.
Më pas, Bardhi i është përgjigjur Spiropalit duke i thënë se në publik bën sikur e mbron, por sipas tij në privat thotë të tjera gjëra për të, sikundër edhe Balluku.
Bardhi: Problemet tona në parti ne i themi hapur dhe i bëjmë publike. Ne nuk jemi Belinda Balluku dhe Erion Veliaj që vriten dhe janë gati të paguajnë edhe vrasës me pagesë për të vrarë njeri tjetrin.
Spiropali: Të lutem zoti Bardhi se këto janë akuza të rënda, nuk janë retorikë politike.
Bardhi: Sa herë përmend Belindën bën sikur e mbron, e di shumë mirë sa e do prandaj të lutem më lër të mbaroj fjalën.
Spiropali: Zoti Bardhi ju nuk lexoni dot zemra, se lexoni dot sa e dua unë zonjën Balluku.
Bardhi: Di çfarë thua ti privatisht.
Spiropali: Vijoni, por jo akuza.
Bardhi: Më lër ta mbaroj. Zemra unë nuk lexoj por di çfarë thua ti dhe ajo privatisht për njëra tjetrën. Pra janë gati të paguajnë edhe vrasës me pagesë për njeri-tjetrin, por dalin duke pozuar sikur janë motër e vëlla.
Discussion about this post