Pavarësisht paralajmërimeve të sekretarit të Përgjithshëm të PD, Gazment Bardhi se do të ketë shkarkime për delegatët që do të marrin pjesë në Kuvendin e thirrur nga ish-kryeministri Berisha, numri i demokratëve pjesëmarrës vijon të rritet.
Kryetari i degës së PD-së së Vlorës, Genc Deromemaj i është bashkuar gjithashtu kuvendit të 11 dhjetorit, ndërsa iu përgjigj deklaratave të Bardhit duke i thënë se nuk trembet.
“Bardhit i them pushka top. T’i marrin masat. Nëse kjo është zgjidhja kjo për Partinë Demokratike, i them pushka top”, tha Deromemaj.
Ndërsa Berisha mban Kuvendin, nga ana tjetër, kreu aktual i Partisë Demokratike, Lulzim Basha do të zhvillojë në të njëjtën orë një festë brenda selisë së PD 31 vjetorin e themelimit të partisë.
Discussion about this post