Teksa vijon futja në ‘Air Albania’ të delegatëve dhe mbështetësve të PD-së, në Kuvendin e thirrur nga ish-kryeministri Sali Berisha, siç duket organizatorët nuk kanë menduar se çfarë do të bëjnë me gazetarët.
Mësohet se, gazetarët janë paraqitur që prej mëngjesit pranë stadiumit, ndërsa kanë kërkuar që të futen brenda. Por organizatorët nuk i kanë lejuar që të hyjnë në vendin ku qëndrojnë delegatët. Pas një vendimi të dytë, gazetarët janë lejuar që të futen, por më pas diçka ka ndryshuar dhe janë njoftuar të lënë ambientet e stadiumit.
Nuk dihet nëse do të lejohen që të hyjnë bashkë me kamerat, ndërsa Kuvendi do të transmetohet nga një regji qendrore.
Discussion about this post