Sekretari i Përgjithshëm i PD, Gazmend Bardhi, ka shpërthyer në lum ankesash ndaj Taulant Ballës ditën e sotme. Ai tha sot se është gati të dëshmojë se me cilin trafikant droge shoqërohej Balla gjatë fushatës zgjedhore, i cili kërkonte vota hapur për PS.
Bardhi shkoi edhe më tej, duke thënë se Taulant Balla ka shkarkua një drejtor policie vetëm se ai nuk pranoi të behej pjesë e rrjetit dhe shpallte në kërkim njerëzit e Ballës. “Jam i gatshëm të shkoj dhe të them se kush ishin ata që shoqëronin Taulant Ballën nga mëngjesi deri në darkë. Ishte tjetri i dënuar për trafik droge dhe doli në televizion, në Top-Channel, tha po, unë kërkoj vota për Taulant Ballën. Kaq, e tha troç. E tha publikisht, është i dënuar për trafik droge tjetri.
Drejtonin nga shefi i policisë e tek të tjerët. Dhe më pas e shkarkoi Balla nga puna. E di pse e shkarkoi, sepse i thoshte mos shpall njerëz në kërkim, por dil e bëhu pjesë e shtabit”, u shpreh Bardhi, duke thënë se ai do të dëshmojë edhe të vërteta të tjera për lidhjen kriminale të Ballës.
Discussion about this post