Ish-mesfushori i Partizanit, Jurgen Bardhi po zhvillon një sezon mjaft të mirë në ligën e dytë në Turqi me skuadrën e Tuzlaspor.
Në ndeshjen kundër Denizlispor, Bardhi ishte protagonisti në duelin e fituar me shifrat 3-0 falë një paraqitje të jashtëzakonshme në 5 minutat e fundit. Në minutën e 85-të ishte Bardhi ai i cili shënoi golin e avantazhit për ekipin e tij.
Vetëm 2 minuta më vonë, ai fitoi një top në gjysmëfushën e tij duke nisur një kundërsulm të shpejtë e dhënë asistin për golin e Basaran, ndërsa ndeshja më pas u mbyll 3-0.
Për Bardhin, ky ishte goli i dytë në kampionatin turk ndërsa është bërë protagonist edhe me dy asiste.
Në sfidat e tjera të zhvilluara ditën e sotme, Istanbulspor është kthyer te fitoret falë dyshes shqiptare Et’hemi-Topalli. Ish-mesfushori i Kukësit shënoi ndaj Menemenspor në minutën e 33-të duke festuar në mënyrën më të mirë të mundshme ftesën e parë nga Maqedonia e Veriut. Kurse në minutën e 37 e kishte radhën sulmuesi i Kosovës që të gjente rrugën e rrjetës. Futbollistët shqiptar tregojnë sërish protagonizmin e tyre në ekipet turke.
Discussion about this post