Sekretari i Përgjithshëm i Partisë Demokratike Gazment Bardhi ka reaguar pas sulmeve të Sali Berishës ndaj ambasadores amerikane Yuri Kim. Me anë të një postimi në Twitter, Bardhi shkruan se 2 nga 3 palët në këto zgjedhje, PS dhe “Shtëpia e Ilirit” kanë mbrapa njerëz të shpallur non grata nga SHBA për korrupsion. Bardhi gjithashtu shkruan se sulmi i sotëm ndaj SHBA-së është solidarizim me non gratat e Edi Ramës dhe hallit të përbashkët.
“2 nga 3 palët në këto zgjedhje, PS dhe “Shtëpia e Ilirit” kanë mbrapa njerëz të shpallur non grata nga SHBA për korrupsion. Vangjush Dako është shefi politik dhe drejtuesi i fushatës së kandidates së PS në Durrës. Tom Doshi, është shefi politik dhe drejtues i fushatës së kandidates së PS në Shkodër. Sali Berisha është shefi politik i 6 kandidatëve të tjerë të Shtëpisë së Ilir Metës. Sulmi i sotëm ndaj SHBA është solidarizim me non gratat e Edi Ramës. Hall i përbashkët, sjellje e përbashkët!” – shkruan Bardhi.
Kujtojmë se ditën e sotme Yuri Kim u ka bërë pyetje kandidatëve për zgjedhjet e 6 Marsit, duke u kërkuar që të shmangen nga personat të shpallur non grata nga Shtetet e Bashkuara të Amerikës.
Discussion about this post