Detaje të reja nga hetimet për Gëzim Çelën, i njohur si “Baroni i drogës” dhe i shpallur në kërkim në kuadër të operacionit policor “Flakë në det”.
Hetuesit kanë dyshime të përfshirjes së Gëzim Çelës edhe në tentativën për të trafikuar një sasi prej 41.7 kg heroinë, e cila u kap më 1 prill 2023 në afërsi të Rinasit. Në atë kohë u arrestua 31-vjeçari Armando Papa, ndërsa mundi të largohej një tjetër person që e shoqëronte.
Papa dyshohet se ishte pjesë e të njëjtit grup kriminal që kryesohej nga Çelaj. Lënda narkotike dyshohet se ishte përgatitur në zonën e Fushë Kuqes, dhe origjinën e kishte nga Turqia.
Policia e Shtetit zbarkoi mbrëmë për ekzekutimin e 4 urdhër-arresteve të SPAK dhe përveç kreut të komisariatit Kurbin dhe Çelajt, u shpallën në kërkim edhe Arben Dalipaj, nga Vlora dhe Roland Guza nga Durrësi, të cilët dyshohet se janë larguar më herët jashtë vendit. Operacioni është një vijim i atij “Flakë në Det” më 15 gusht 2023.
Në kuadër të megaoperacionit policor të koduar “Flakë në det” të ndërmarrë në gusht 2023 u arrestuan:
-Arlind Ismailukaj, 47 vjeç, banues në Tiranë;
-Armando Mema, 37 vjeç, banues në Tiranë;
-Nerim Çela, 40 vjeç, banues në Fushë Kuqe, Laç;
-Besnik Brokeri, 51 vjeç, banues në Vlorë;
-Kyrylo Ponomarenko, 39 vjeç, banues në Ukrainë;
-Kostiantyn Biellon, 44 vjeç, banues në Ukrainë.
Discussion about this post