Kryetarja e Kuvendit, Lindita Nikolla ka përjashtuar nga seanca kreun e PD-së, Lulzim Basha i cili bllokoi foltoren pasi kërkonte të merrte fjalën.
Kryeparlamentarja i kërkoi të ulej në karrigen e tij, duke i fikur mikrofonin në foltore dhe i kërkoi të respektonte radhën e folësve në Kuvend.
Ndërsa e ironizoi pasi kryedemokrati Badha insistoi të merrten fjalën duke iu drejtuar “e di që jeni në deficit 5 muaj, por i shkaktuat vetes për të mos folur në Parlament por kjo nuk do të thotë që duhet të shkelim të gjitha rregullat”
“Nuk mund ta merrni fjalën kështu. E di që jeni në deficit 5 muaj, po deficit 5 muaj i shkaktuat vetes për të mos folur në Parlament por kjo nuk do të thotë që duhet të shkelim të gjitha rregullat.
Uluni në vend tani, mos merrni fjalën. Jo tani, do të respektojmë radhën. Uluni në vend, të respektojmë radhë.”, iu drejtua Nikolla.
“Mos bllokoni foltoren. Ju tërheq vëmendjen për zaptim foltoreje, Do ju përjashtoj nga seanca. Ju lutem lejoni foltoren. Nuk ua jap fjalën. Kur shoh që nuk i përmbaheni procedurës kam të drejtën t’iu heq fjalën sipas rregullores. Mos pengoni rendin e ditës. Do vijojmë me rendin e ditës. Jeni i përjashtuar nga seanca për zaptim të Foltores. Jeni i përjashtuar”, tha Nikolla.
Discussion about this post