Lulzim Basha, përmes një njoftimi në rrjetet sociale, bën të ditur mbi një takim të zhvilluar me demokratët e Elbasanit në kuadër të asaj që mund të quhet gara për zgjedhjen e kreut të ri të PD-së zyrtare, proces që do të mbahet më 29 korrik. Nga fotot e publikuara duket se në takim ishte edhe kandidati tjetër, Gjergj Hani.
Basha përmes një postimi në rrjetet sociale shprehet se Partia Demokratike do t’u ofrojë shqiptarëve një model që mishëron kulturën e re politike të ndërtuar mbi aktet dhe veprat e qendrestarëve, burrave dhe grave, të rinjve dhe të rejave që mbrojtën me vendosmëri vlerat dhe parimet që janë në themel të forcës sonë politike.
Në këtë kuadër Basha shprehet i vendosur për:
? Aleancë e qartë me partnerët strategjikë;
? Lufta pa kompromis ndaj korrupsionit;
? Për pastrimin e politikës, duke u dhënë fuqi qytetarëve të zgjedhin me votë përfaqësues me integritet.
“Partia Demokratike mund dhe do ta sjellë këtë ndryshim, duke u bashkuar përmes vlerave dhe ideve në Aleancën Qytetare për Demokracinë, nëpërmjet së cilës mund të formojmë një shumicë reformuese për të bërë ndryshimet kushtetues që mundësojnë:
✅ Listat e hapura;
✅ Vetting-un në politikë;
✅ Kufizimin e mandateve;
✅ Votën e diasporës”, shkruan Basha.
Discussion about this post