Në vitin 2017, në çadrën e protestës para kryeministrisë, Lulzim Basha akuzonte duke thënë se Vettingu është një për një projekt mafioz ku ishin përfshirë edhe diplomat të lartë në Tiranë për llogari të Edi Ramës .
“Projekti i Vettingut është projekt mafioz ku janë përfshirë diplomatë të lartë në Tiranë për llogari të Edi Ramës, kanë marrë peng ekspertët e Bashkimit Europian. Edi Rama, bashkë komplotistët e tu janë zbuluar dhe i pret gjykimi në institucionet ndërkombëtare” – deklaronte Basha në çadër.
Por, edhe pse ngjarjet rrodhën ndryshe, ku opozita ka djegur mandatet duke dalë nga institucionet, i lanë terrenin e lirë Edi Ramës për të kaluar njerëzit e tij, sa i përket vettingut. Kjo u pa nga mënyra e përzgjedhjes së kandidatëve, të cilët shumë prej tyre e kalonin edhe pse kishin lidhje me korrupsionin.
Edhe pse para katër vitesh ishte hapur kundër, sot kreu i opozitës Lulzim Basha ndodhet përsëri përballë këtij procesi që kërkon votën e opozitës për të vazhduar punën e tij. Deri më tani nuk ka folur hapur për vendimin që do të marrë, por në një deklaratë për mediat ditën e djeshme, la të kuptohet se do të votojë për zgjatjen e afateve ligjore të Vettingut në drejtësi. Në pyetjen e gazetarëve, për vendimin që do të marrë, ai tha:
“Me këtë hap ne i shërbejmë prioriteteve të shqiptarëve. Asnjë nga këto tre çështjet që përmenda, nuk është një favor ndaj Partisë Demokratike, apo ndaj opozitës. Por ne e kemi thënë, unë e kam thënë, e përsëris edhe sot: jemi aty në atë kuvend, edhe pas masakrës zgjedhore të 25 prillit, me një dhe një qëllim, që me fuqinë që na dhanë shqiptarët, që s’e ndali dot masakra zgjedhore, ndonëse ndali ndryshimin, të rikthejmë vendin në shinat e demokracisë, legjitimitetit, pa të cilin nuk mund të ketë as mirëqenie, as punësim, as luftë kundër varfërisë, as ndalje të emigracionit të të rinjve. Dhe për këtë arsye ne do të çojmë përpara agjendën tonë të këtyre ndryshimeve që u shërbejnë shqiptarëve. Këto janë për Shqipërinë dhe për shqiptarët, jo për Partinë Demokratike” – u shpreh Basha.
Duke qenë se Vettingu mbështetet fuqishëm edhe nga SHBA dhe BE, mundësia që Basha të votojë pro zgjatjes së afateve është pothuajse e sigurt. Pasi nëse do jetë e kundërta, do ishte e tepërt një përplasje tjetër me ndërkombëtarët, sidomos në pozicionin ku ndodhet sot Partia Demokratike pas largimit të ish-liderit historik Sali Berisha.
Gijotina.com
